سڵاوتان لێبێت ئەزیزان.

ئەمجارە پڕۆژەیەکی نوێمان بۆ ئامادە کردوون، پڕۆژەکە بە شێوەیەکی سادە داڕێژراوە و ئامانج لێی بەرەو پێشبردنی پڕۆژەی سەرچاوە کراوەیە، پڕۆژەکە ناوی ST Project کە کورتکراوەی Student Projectە، هەر خوێندکارێک یان کەسێک کە وەک خولیا یەکێک لە زمانەکانی پڕۆگرامسازی هەڵدەبژێرێت بۆ فێربوون پێویستی بە سەرچاوە و بەرچاو ڕونییە لە بوارەکەدا، چونکە بەڕاستی پڕۆژەو سەرچاوە کوردییەکان زۆر کەمن کە خوێندکاری کورد بتوانێت سوودیان لێ ببینێت و خۆی بەرەو پێش بەرێت لەسەری، لە پڕۆژەکەدا تەواوی بەشی کۆدەکان بە کۆمێنت (تێبینی) ڕوونکراوەتەوە بۆ فێرخواز بۆ ئەوەی بەباشی لە چۆنییەتی دروستکردنەکەی تێبگات.

پڕۆژەکە بە زمانی پڕۆگرامسازی #C داڕێژراوە و بەکارهێنانی لەگەڵ بنکە دراوەی MySQL، وە دیزاینی فۆرمەکە بە ژینگەی گەشەپێدەری مایکرۆسۆفت IDE – Visual Studio کراوە، کە بەکاردێت بۆ گەشەپێدانی پۆگرامەکانی کۆمپیوتەر و موبایل و زۆری تر کە ئێمە لێرەدا سودمان لێ بینیوە، بەرنامەکە لە ٣ فۆرم پێکهاتووە ئەوانیش، فۆڕمی بەخێرهاتن Welcome Form کە بەخێرهاتنی بەکارهێنەر دەکات بۆ ناو بەرنامەکە و پاش چەند چرکەیەک دەچێتە نێو فۆرمی دووەمەوە کە فۆرمی چونەژوورەوەیە Login Form، کە تێیدا بەکارهێنەر پێویستە ناو و وشەی نهێنی بنوسێت username & password، ئەگەر هەڵە بوو ئاگاداری دەکاتەوە و گەر ڕاستیش بوو ئەوە دەچێتە فۆڕمی سێیەم کە فۆڕمی سەرەکییە و پێکهاتووە لە جێبەجێکردنی فرمانەکانی، Insert, Delete, Update, Search, Show کە بەکارهێنەر دەتوانێت ئەو فرمانانەی سەرەوە بەسەر زانیارییەکانیدا جێبەجێ بکات.

وەک لەسەرەوە باسمان کرد پڕۆژەکە سەرچاوە کراوەیە بۆیە هەموو کەسێک دەتوانێت سوودی لێ ببینێت و زیاتر گەشەی پێبدات بەو ڕیگەیەی کە مەبەستییەتی.

 

دروستکەر و پڕۆگرامەر: محەمەد عوسمان

 

 

دابەزاندن

 

• Programming
• scientific researches