پەڕتووكی فەرمانی پینگ لە ویندۆزدا به‌ زمانى كوردی- Ping Command in Windows

پەڕتووكی فەرمانی پینگ لە ویندۆزدا – Ping Command in Windows

پێشەكی پەڕتووكەكە

بەناوی خودای بەخشندە و میهرەبان

بۆ زیاتر ئاشنا بوون بە كایە زانستیەكانی ڕایەڵە، هەروەها دەوڵەمەند كردنی توێكڵی تەكنیكی لەكوردستان، بەباشمانزانی سەبارەت بە بەشێكی چاكسازی لەبواری ڕایەڵە بنووسین، لەم پەرتووكە تیشك خراوەتە سەر فەرمانی پینگ وە سەرجەم كایەكانی لەخۆ دەگرێت.

پێزانین بەبژاردەكانی فەرمانی پینگ وا لەبەڕێوەبەرانی ڕایەڵە دەكات زیاتر لەبارەی گرفت و چارەسەرەكان شارەزابن. لەم پەرتووكەدا ئەوەندەی توانیومانە زمانی كوردیمان بەكار بردووە هەر لە ڕستەسازیەكان و تەنانەت چەمكە تەكنەلۆجیەكانیش، بەرامبەر ئەو چەمكانە وشە ئینگلیزیەكەیشمان نووسیوە هەتا خوێنەر پێ بزانێت مەبەسی ئێمە چییە، لەهەمان كاتدا لەوشە كوردیەكەش شارەزایی پەیدا بكات، بۆ ئەو مەبەستەش سوودمان لە چەند فەرهەنگێكی زمانەوانی وەرگرتووە، هەروەها گەلێك قورس بوو تا ئەو چەمكانە بەشێوەیەكی باش ڕێك بخەین، لەكاتی كۆبوونەوەكەمان وەك دەستەی وەرگێڕانی فەیسبووك، باسی چەند خاڵێكی گرینگمان كرد سەبارەت بەچەمكە نوێیە تەكنەلۆجیەكان، هەربۆیە لەسەر گرنگی و تێزی ئەو خاڵانە چەمكەكانی ئێرەش داڕێژراوە.

بیرۆكەی داڕشتنی ئەم پەرتووكە بەسەرهاتێكی لەپشتە، ماوەیەكی زۆر بەر لەنووسینی ئەم پەرتووكە، واتا چەند ساڵێك لەمەوبەر، هاوشێوەكەییم نووسی بوو، بەڵام ئەوها پڕ و داڕێژراو نەبوو، ناردمە لای كەسێك و سەیری كرد، ئەوكات بەشێوەی ڕاپۆرت بوو، پاشان كەسە شارەزاكە پێمی گوتبوو ئەم كتێبە هەڵەی زۆری تێدایە!، سەرەنجام هەوڵمداو هەوڵمدا لەبوارەكە زیاتر وورد بوومەوە.

هیواخوازم ئەو كەسە ئەگەر ئەم پەرتووكەی بەردەست كەوت سەیری بكاتەوە، بەڵكو ئەمجارەیش لەخوێندنەوەیدا هەمان قسە بكاتەوە، تا باشتر و باشتر هەوڵ بدەم.

داگرتن

بەرگی پەڕتووكەكە